Сёньня каля расейскай амбасады адбыўся пікет у падтрымку незалежнай краіны Грузіі, на якую зьдзейсьніла ваенны напад Расея. Шэсьць маладафронтаўцаў разгарнулі плякаты “НЕ – ВАЙНЕ!”, “НЕ – ІМПЭРСКІМ ПОГЛЯДАМ!” і расьцяжку “СПЫНІЦЬ АГРЭСІЮ!” насупраць расейскай амбасады ў Беларусі. Намесьнік старшыні Маладога Фронту Настасься Палажанка перадала пэтыцыю, адрасаваную расейскаму амбасадару.

"Мы заклікаем паважаць тэрытарыяльную цэласнасьць Грузіі, якая зьяўляецца сувэрэннай дзяржавай, спыніць распаўсюджваньне дэзынфармацыі і штучнае стварэньне негатыўнага іміджу Грузіі з дапамогай расейскіх СМІ", — гаворыцца ў звароце. Таксама ў дакуманце ўтрымоўваецца патрабаваньне неадкладна спыніць ваенныя дзеяньні.